Lokametsak eta apostasiak

Behialako idoloen oinak errausten hasi direla atzematean, ilusioak gordetzen zituzten oskolak zuhirintzean, inoiz amets izandakoak urtzean, gogo idorra baizik ez zaio gelditzen jadanik beste troposfera batekoa den isekari zapuztuari. Nekez baliatzen du aspaldi gaiztotutako mingaina, are nekezago hainbeste maitatu zuen oraina. Goizalde umelak, karkaxen arteko arrosario santuak eta ilunkerarainoko lan arinak egun bizigarri, buru ditzakeentxoak inorentzat eskarmentu izan daitezen esperantza gutxirekin.