Nazionalismoari buruzko berrogeita hamar egia deseroso

Nortzuk gara? Nondik gatozen, nora goazen edo hemen zer egiten dugun baino lehen hori da aurreneko galdera. Eta erantzuteko eskura dauzkagun baliabideak ez dira asko: norekin bizi garen, zein familiatan edo inguruan gauden, noren antza daukagun, nortzuek gure hizkuntza eta gure modura edo gure azentuz hitz egiten duten, nortzuk propio sentitzen ditugun edo sentitzen gaituzten. Nortzuk ez.