materiaren egitura

Materiaren egitura gu eta errealitatea osatzen gaituen gaiari zuzendutako begirada liriko bat da, gizakiaren izana baldintzatzen eta ahalbideratzen duen funtsezko baldintza, ingurune eta elementu kimikoei, biologikoei eta fisikoei eskainitako kantutegi bat, oinarrizko sentsazioei eta ohartzeei buruzko otoitz-orduen liburu bat, zenbaitetan etsia dirudien arren nonbait ezagutzan oinarritutako itxaropena agertzen duena, eta bizitzaren esperientzia distortsiorik, artifiziorik eta batez ere mitorik gabe islatu nahi duena, bizirik egotea zertan datzan hain zuzen ere. Arabako Foru Aldundiaren Ernestina de Champourcin saria jaso zuen 2005an.