Giltza

Ezinezkoa iruditu zitzaidan ipuin batean inplikatutako elementu guztiak kontuan hartuta ipuin bat idatzi ahal izatea. Etsigarria suertatu beharrean, ordea, ezin emankorragoa egin zitzaidan hori. Hasteko, ez nuen zertan ipuinik idatzi, eta hori berez zen askatzailea, baina, horrez gainera, kontuan hartu beharreko elementuen gainezkatze horrek edozer onartzeko aukera zabaltzen zidan. Askatu egin ninduen «ipuinak» idaztetik, eta, beraz, idatz nezakeen, agian, zorte pixka batekin, baita ipuin bat ere.