Gomendioak

Irati Jimenez

Umetan hasi nintzen irakurtzen eta idazten, gu guztiok bezala, eta oraindik ez diot utzi, ez irakurtzearen plazerari ez idaztearen ohiturari.

Afrikanerrak

Eneko Barberena

Gure literatura txikiak azpibaloratu egin du eskenatoki literario guztiak maila mitologikora eramateko gaitasuna duen kontakizun eder hau.

Ipuin bat:

Camarillo Brillo

Harkaitz Cano

Bizipozari egindako gorazarrea da, literaturaren benetako esanahia literaturatik kanpo dagoela erreibindikatzen duen kontakizun existentzialista eta musikala, anaitasunez eta gizatasunez betea.

Film bat:

Someone Great

Emakume gazteen arteko adiskidetasunaren magia hordigarria dauka pelikula txiki honek, ezohiko askatasunarekin eginda.

Abesti bat:

Erramurik gabeko gauak

Petti

Gure Tom Waits, gure likantropo musikala, gure ahots urratudun arima sensiblea da Petti.

Webgune bat:

klasikoak.armiarma.eus

Gure literatura hain da txikia ahaztu egiten zaigula Xahoren edo Axularren pareko printzeak edo Arestiren pareko kolosoak izan ditugula.