Paziente egoilarraren abentura

Nire lagun Sherlock Holmesen buru-berezitasun gutxi batzuk argitzeko erabili dudan oroimen-sorta inkoherente samarrari begiratu diodanean, harritu egin nau nire asmoari erantzungo dioten adibideak aurkitzeko izan dudan zailtasunak. Izan ere, Holmesek arrazoiketa analitikoaren erakustaldi aparta egin duen eta bere ikerketa-metodo berezien balioa frogatu duen kasuetan, gertaerak berak sarritan hain arinak edo hain arruntak izan dira, non ez bainintzen publikoki aurkezteko justifikatuta sentitzen.