Ganbaran

Duela aste batzuk bertan ateratako argazkiari erreparatu dio Mikelek. Amari eta tabernan zeuden guztiei hartu zien argazkia. Ez dago apenas berritasunik, gorputz bakoitza bere tokian dago, pieza guztiak argazkian agertzen dira gaurkoan tabernan dauden bezalaxe. Salbuespena da azkeneko egunetan pieza bat falta izan dela, baita gaurkoan ere; leku huts bat noiz beteko zain. Bakarren bat tabernatik betiko desagertzen denean, aldameneko aulkiak ere hutsik geratzen dira…