Gizona edo tontoa da edo emakumea da

Antzerkia ez da istorioak kontatzea; hamaika gauza izan daiteke, istorioak kontatzea barne, baina bere esentzia ez da istorioak kontatzea. Artearen funtsa, baita antzerkiarena ere, oztopo izatea da: ahaleginik egitea eskatzen ez badu, arte izateari uzten dio eta lo egiteko musika da.

Gure gizonak harriak ditu buruan, kaskezurraren barruan. Pentsatzen duenean buruko mina izaten du, hortik harriak. Poesia liburu bat norberaren partez pentsatzen duen makina azkar bat dela esan diote. Berak, egia esan, inoiz ez du poesia libururik irakurri. Gizonegia da horretarako. Poesia irakurri, zertarako? Garaikidea da: lan asko egiten du. Garaikidea. Poesia irakurri?